كنتى روحى
بقلم .. عايدة جابر
كنتى روحى
كترت جروحى يالا روحى
مش عايز اشوفك
كدبتى ليه وقلتى عنى
إنى نبضك وإنى روحك
وطبعك انتى ليه الخيانة
هجرك لقلبى ده كان مهانة
قولى لى ليه خونتى الأمانة
ردى عليا وريحينى
ضيعتى ليه أجمل سنينى
وانا كنت فاكرك تعشقينى
قبل ما تمشى وتعذبينى
كان نفسى أشوفك
قلبى اللى كان فى عز خوفك
كان لك آمان نبض لحروف
ايه بس كان سبب عزوفك
وانا كنت متحمل ظروفك
خلاص يا قلبى ابعد وسيبها
ولا تحاسبنى ولا تحاسبها
غيرنا خلاص بقى من نصيبها
هيفيد بأيه لما تعاتبها
قلبى اللى مجروح بين ايديها
ولا كان فى يوم قاسى عليها
خلاص مهاجر ومسامحها
ولا بس يلمح دمعه فى عنيها
0 تعليقات